Peter Griffin á Stælinn

Peter Griffin er krispý kjúklingaborgari!
Peter Griffin er krispý kjúklingaborgari!

Glænýr kjúklingaborgari úr smiðju meistarakokkanna Hinriks og Viktors í Sælkerabúðinni hefur litið dagsins ljós á Stælnum. Áhersla var lögð á að ná fram brakandi krispý áferð á hágæða kjúklingalæri. Kjúklingaborgarinn gómsæti hefur fengið nafnið Peter Griffin til heiðurs fjölskylduföðurnum skemmtilega í þáttunum Family Guy sem Íslendingar ættu að kannast við. “Það hefur lengi staðið til að endurnýja hjá okkur kjúklingaborgarann og nú eru Viktor og Hinrik búnir að setja saman einn sem mun gleðja viðskiptavini American Style. Nafnið Peter Griffin er til komið einfaldlega vegna þess að ég sjálfur er afar mikill aðdáandi Family guy og ekki hvað síst hinna ódauðlegu “The bird is the word” atriða í þáttunum. Mér fannst það einhvern veginn steinliggja þar sem um er að ræða kjúklingaborgara", segir Jói, talsmaður Gleðipinna sem reka American Style.

The bird is the word og Family guy

Family guy eru bandarískir teiknimyndaþættir úr smiðju háðfuglsins Seth McFarlane sem fjalla um dæmigerða bandaríska fjölskyldu. Föðurinn Peter og konu hans Louis og börnin þeirra þrjú, Meg, Chris og Stewie. Fjölskylduhundurinn Brian, sem talar mannamál, spilar einnig stóra rullu í þáttunum. Aðdáendur Family Guy vita nákvæmlega hvað er átt við þegar þeir heyra setninguna ódauðlegu “The bird is the word”.