Emmsjé Gauti selur kannabisolíu í gegnum lúgu

Birta CBD og Aktu Taktu und­ir­rituðu ný­verið sam­starfs­samn­ing um sölu á CBD olíu á út­sölu­stöðum Aktu Taktu. Birta CBD sel­ur ein­ung­is hágæðavör­ur unn­ar úr iðnaðar­hampi og hef­ur leitt CBD bylt­ing­una hér­lend­is.

„Við erum virki­lega ánægð með sam­starfið við Aktu taktu. Stund­um lang­ar manni ein­fald­lega bara að vera með hettu og rúlla í lúg­una. Aktu taktu Skúla­götu á líka sér­stak­an stað í hjarta mínu en ég fór næst­um alla föstu­daga þangað með Gulla Afa mín­um að borða ham­borg­ara. Það er eng­inn staður jafn mikið í leiðinni allt og þannig mæl­um við Aktu taktu sem lang­bestu lúg­una í bæn­um. Er þá ekki vel við hæfi að lang­besta CBD olí­an sé til sölu þar?” seg­ir Gauti Þeyr Más­son (Emm­sjé Gauti), einn eig­enda Birtu CBD.

Frá­bær þjón­usta við not­end­ur CBD og viðskipta­vini Aktu taktu

CBD er nátt­úru­leg­ur kanna­bíóði sem fyr­ir­finnst í hampi. CBD er ekki vímu­gjafi þrátt fyr­ir al­geng­an mis­skiln­ing og hef­ur mik­il vit­und­ar­vakn­ing átt sér stað hér­lend­is sem og víðsveg­ar um heim­inn varðandi kosti og eig­in­leika CBD. Þannig hef­ur fólk notað CBD við ýms­um kvill­um, s.s. bólg­um í lík­ama, kvíða, verkj­um, þung­lyndi, svefn­vanda­mál­um, floga­veiki, gigt og ýms­um tauga- og stoðkerf­is­sjúk­dóm­um. Enn frem­ur hef­ur fólk sem á ekki við heilsu­far­svanda­mál að stríða notað CBD til að ná fram slök­un og ró.

„Við á Aktu Taktu erum stolt af því að bjóða þessa vöru í gegn­um lúg­una. Eins og gef­ur að skilja eru marg­ir not­end­ur CBD að glíma við heilsu­far­svanda­mál og því kær­kom­in þjón­usta að geta nálg­ast vör­una beint í bíl­inn í gegn­um lúg­una,” seg­ir Jó­hann­es Ásbjörns­son, talsmaður Gleðip­inn­ar sem reka Aktu Taktu.

Sveppi og Pét­ur fyrstu viðskipta­vin­irn­ir

Sveppi og Pét­ur Jó­hann sem halda úti hlaðvarp­inu vin­sæla Beint í Bíl­inn hafa um ára­bil verið í þéttu sam­starfi við Aktu Taktu. Það var því við hæfi að þeir væru fyrstu viðskipta­vin­irn­ir sem keyptu CBD ol­í­una í gegn­um lúg­una. Emm­sjé Gauti gerði sér lítið fyr­ir og af­greiddi þá fé­laga í fag­urrauðum Aktu Taktu starfs­manna­bún­ingi.

Aktu taktu starf­ræk­ir fjóra veit­ingastaði á höfuðborg­ara­svæðinu sem sam­tals bjóða 15 bíla­l­úg­ur. Staðirn­ir eru við Skúla­götu, við Stekkj­ar­bakka í Breiðholti, í Ásgarði í Garðabæ og Fells­múla.